Jańa bilim oshaqtary 88 myń oqýshyny qamtıdy.
QR Oqý-aǵartý mınıstrligi úsh aýysymdy, apatty mektepterdiń máselelerin júıeli sheshý úshin jańa oqýshy oryndaryn engizý boıynsha jumystardy josparly túrde júrgizýde, dep habarlaıdy Almaty-akshamy.kz.
Búginde óńirlerde 88 myń oqýshyǵa arnalǵan 96 jańa mektep ashyldy. Bul týraly QR Oqý-aǵartý mınıstrliginiń baspasóz qyzmeti habarlaıdy.
Jalpy, osy jyldyń aıaǵyna deıin túrli qarjy kózderi esebinen 132 myń oqýshy orynǵa arnalǵan 154 mektepti, onyń ishinde Bilim berý ınfraqurylymyn qoldaý qory esebinen 76 738 oryndyq 62 mektepti paıdalanýǵa berý josparlanýda. Bul 12 apatty jáne 29 úsh aýysymdy mekteptiń máselesin, 113 eldi mekendegi oqýshy oryndarynyń tapshylyǵyn sheshedi.
Sondaı-aq, «Jaıly mektep» ulttyq jobasy iske asýda. Bıyl 217 mekteptiń qurylysy bastaldy, olar 2024 jyldyń sońyna deıin paıdalanýǵa beriledi. Ulttyq joba eń aldymen qalalar men keleshegi bar eldi mekenderde jańa úlgidegi mektepterdi salýǵa, oqýshylar men pedagogterge jaıly ári qaýipsiz orta qalyptastyrýǵa, bilim berý qyzmetiniń sapasyn arttyrýǵa baǵyttalǵan.
Jalpy, Memleket basshysynyń tapsyrmasy boıynsha elimizde 740 myń oqýshyǵa arnalǵan 369 jaıly mektep salý josparlanýda.