Qazaqstan estrada juldyzy Baǵlan Ábdiraıymov referendým ýchaskesine baryp daýys berdi.
– Búgin elimizde eleýli oqıǵa oryn alýda. 5 maýsym – Konstıtýsıaǵa biraz ózgerister engizýge degen nıettiń synalǵan kúni. Qazaqstannyń belsendi azamaty retinde aıtýly sharadan qalys qalmaıyq dep kelip, óz tańdaýymyzdy jasadyq. Qazaq eliniń aldaǵy tarıhynda jaqsy ózgerister bolady, qazaq eli Jańa Qazaqstan qurady, halqymyzdyń sanasy oıanady, eldiń bolashaǵy jarqyn bolaryna senim mol, – dedi ánshi.