Adam ómiri úshin 30 jyl asa kóp ýaqyt emes. Dúnıeniń zańdylyǵyn endi túsinip, tájirıbesi men kórgen-bilgeninen sabaq alyp, ishki dúnıesine úńilý arqyly naǵyz úlken ómirge alǵashqy qadamdaryń jasalar ýaqyty. Dál osy kezeńde adam jaman men jaqsyny ajyratyp, jańa deńgeıge talpynady. Osy maqsatta qandaı eńbek pen ter tógiletinin aıtsańyzshy!
Al memleket úshin búkil álem men tarıh bólinisinde 30 jyl degen ne? Bul qas qaǵym ýaqyt. Áli talaı dúnıeni ózgertip, qyrýar is tyndyrýymyz kerek. Biz jol aıryqtyń aldynda turmyz: barlyǵy tek bizdiń áreketimiz nemese áreketsizdigimizge baılanysty. Men kinálilerdi izdep, shaǵymdanyp, ómir boıy shaǵymdanýshynyń kúnin keshkim kelmeıdi, sondyqtan búginnen bastap áreket etýdi tańdaımyn! Men oń ózgerister bolaryna senimdimin.