Maýsymǵa sáıkes kelmeıtin shınalar úshin 5 AEK kóleminde aıyppul qarastyrylǵan, dep habarlaıdy aqshamnews.kz
Búgin Qazaqstanda qysqy shına maýsymy resmı túrde bastalady, al jazǵy shınamen júrgenderge aıyppul salynýy múmkin.
Qazaqstan Respýblıkasynyń Ákimshilik quqyqbuzýshylyq kodeksinde maýsymǵa sáıkes kelmeıtin shınalar úshin 5 AEK kóleminde aıyppul qarastyrylǵan, al jyl ishinde osyndaı quqyqbuzýshylyq qaıtalansa, aıyppul kólemi 20 AEK-ke deıin artady.
Uzaqqa sozylǵan kúz jáne qardyń bolmaýy shınany aýystyrýdy keshiktirýge sebep emes, óıtkeni jazǵy rezına sýyqta qataıyp, jolmen úıkelis nasharlaıdy.
«Dońǵalaqty kólik quraldardyń qaýipsizdigi týraly» tehnıkalyq reglamentke sáıkes, jazǵy shınadaǵy protektor bıiktigi keminde 1,6 mm, qysqyda 4 mm bolýǵa tıis.
Dońǵalaqta taý shyńy jáne qar ushqyny belgisi tańbalanýy kerek, sondaı-aq «M+S», «M&S» jáne «M S» markalary bolýy mindetti.
Eger barlyq mezgilge arnalǵan shınalarda osy markalar bolsa, qys kezinde olardy paıdalanýǵa bolady. Olaı bolmaǵan jaǵdaıda mundaı shınany qoldanýǵa tyıym salynady.