Búgin Qazaqstanda «8 naýryz – Halyqaralyq áıelder kúni» merekesi atalyp ótedi, dep habarlaıdy Almaty-akshamy.kz.
Bul kúnniń tarıhy áıelder quqyǵy úshin kúrespen tikeleı baılanysty. 1857 jyly 8 naýryzda Nú-Iorkte jumysshy áıelder manıfeske jınaldy. Olar 10 saǵattyq jumys kúnin, jaryq ári qurǵaq jumys oryndaryn, er adamdarmen birdeı jalaqy mólsherin talap etken edi. Áıelder sol kezderi 16 saǵat ter tókken eńbekterine óte az jalaqy alatyn. Al 1910 jyly Kopengagendegi sosıalıs áıelderdiń halyqaralyq konferensıasynda german jáne halyqaralyq jumysshy qozǵalysynyń qaıratkeri Klara Setkınniń usynysymen naýryzdyń 8-in Halyqaralyq áıelder kúni retinde atap ótý sheshimi qabyldandy.
1914 jyldan keıin birneshe elde 8 naýryz áıelder merekesi retinde atalatyn boldy. Bul kún – áıelder quqyn qorǵaý jáne halyqaralyq beıbitshilik kúni. Birikken Ulttar Uıymy 1975 jyldy Halyqaralyq áıelder jyly dep jarıalap, sol jylǵy naýryzdyń 8-inen bastap Áıelder quqyn qorǵaý jáne halyqaralyq beıbitshilik kúnin ótkize bastady. Qazaqstan Respýblıkasynda da bul merekege asa mán berilip, osy kúni elorda men barlyq oblystarda merekelik sharalar uıymdastyrylady.
Bıyl 8 naýryz seısenbige týra kelip tur. Osyǵan oraı Úkimet qaýlysymen 7 naýryz kúngi jumys kúni 5 naýryz senbige aýystyryldy. Osylaısha, qazaqstandyqtar Halyqaralyq áıelder kúnine oraı 6,7, 8 naýryz demalady.