Qazgıdromet sınoptıkteri 31 shildege arnalǵan aýa raıy boljamyn jarıalady, dep habarlaıdy Almaty-akshamy.kz Inform.kz-ke silteme jasap.
Qazaqstannyń shyǵysyna qaraı yǵysqan ońtústik sıklon jáne onymen baılanysty atmosferalyq fronttar burynǵysynsha Qazaqstannyń búkil aýmaǵyna óz áserin tıgizedi.
Osyǵan baılanysty jańbyr jaýady, eldiń soltústiginde, shyǵysynda, ortalyǵynda, ońtústik pen ońtústik-shyǵystyń taýly aýdandarynda nóser jańbyr jaýyp, daýyl turady. Naızaǵaı jarqyldaıdy, burshaq jaýyp, jel kúsheıedi.
Túnde jáne tańerteń respýblıkanyń soltústiginde, soltústik-batysynda tuman túsedi. Pavlodar oblysynyń ońtústiginde, shyǵysynda, Qaraǵandy oblysynyń soltústiginde, Jambyl oblysynyń taýly aýdandarynda, túnde Aqmola oblysynyń ońtústiginde, shyǵysynda, Almaty oblysynyń ońtústiginde jáne taýly aýdandarynda qatty jańbyr jaýady.
Túrkistan, Qyzylorda, Jetisý, Almaty oblystarynyń basym bóliginde, Abaı oblysynyń ońtústiginde, Jambyl oblysynyń batysynda tótenshe órt qaýpi saqtalady.