Qazaqstannyń juptyq syndaǵy birinshi, álemniń 23-raketkasy Anna Danılına Varshava WTA-250 týrnıriniń fınalyna shyqty, dep habarlaıdy Almaty-akshamy.kz Inform.kz-ke silteme jasap.
Jarystyń 4-raketkalary bolyp tirkelgen A.Danılına men germanıalyq Anna-Lena Frıdzam jartylaı fınalda Polsha ókili Maııa Hvalınska – chehıalyq Djesıka Malechkovamen sheberlik baıqasty.
Birinshi partıa taǵdyry taı-breıkte sheshilip, qazaqstandyq-germanıalyq jup basymdylyq tanytty – 7:6 (7:3).
Ekinshi sette Danılına men Frıdzam qarsylastaryna birde-bir geım bergen joq – 6:0. Olar saǵat jarymǵa jýyq ýaqytqa sozylǵan kezdesý barysynda 9 breık-poınttyń beseýin paıdalandy. Qazaqstandyq-germanıalyq dýet fınalda dodanyń 2-raketkalary, polshalyqtar Katajına Kava – Alısıa Rosolskamen bas júldeni sarapqa salady.