Bokstan áıelder arasyndaǵy álem chempıonatynda búgin, 11 mamyrda qazaqstandyq tórt sportshy sharshy alańǵa shyǵady, dep habarlaıdy Almaty-akshamy.kz Inform.kz-ke silteme jasap.
Álem chempıonatyna elimizdiń atynan 12 boksshy bardy. Olardyń qatarynan ázirge eki boksshy sharshy alańǵa shyǵyp, jarysty jalǵastyrýǵa múmkindik aldy.
Aldymen 8 mamyrda el quramasynan Valentına Halzova (70 keli) kenıalyq Lorna Kýsa Sımbıdi tize búktirdi.
Odan keıin 10 mamyrda Alýa Balqybekova (48 keli) kanadalyq Prıanka Dıllonnan basym tústi. Endi 11 mamyrda kúndizgi sesıada Jaına Shekerbekova (52 keli) Pýerto-Rıko elinen kelgen Melodı Vargaspen sharshy alańǵa shyqsa, Karına Ibragımova (57 keli) rýmynıalyq Klaýdıa Nechıtamen kezdesedi.
Sondaı-aq, atalǵan sesıada Aıda Ábikeeva (63 keli) aljırlik Imane Helıfpen qolǵap túıistiredi. Al keshki sesıada Nadejda Rábes (75 keli) túrkıalyq Býshra Ishıldarmen sharshy alańǵa shyǵady.
El quramasynan aldaǵy kúnderde Nazym Qyzaıbaı (50 keli), Dına Jolaman (54 keli), Rımma Volosenko (60 keli), Darıǵa Shákimova (66 keli), Gúlsaıa Erjan (81 keli) jáne Lázzat Kúngeıbaeva (81 keliden joǵary) synǵa túsedi.