Ózekti másele.
Almaty ákimi Erbolat Dosaev Bostandyq aýdanyndaǵy aýyz sý máselesin qalaı sheshiletini týraly aıtty, dep habarlaıdy Almaty-akshmy.kz.
«Osy máseleni túbegeıli sheshý úshin 2022 jyldyń sońyna deıin «Ermensaı» sý qabyldaǵyshynyń jobalaý-smetalyq qujattamasyn ázirleý aıaqtalady jáne memlekettik saraptamadan ótedi (ónimdiligi táýligine 9 myń tekshe metr). 2023 jyly sý qabyldaǵyshtyń qurylysyna qarjy bólý úshin ákimdik QR Úkimetine ótinish jasaýǵa nıetti. Osy jobany iske asyrý ál-Farabı dańǵylynan joǵary turatyn 20 myń halyqty sapaly sýmen tolyq qamtamasyz etedi», - dedi qala ákimi halyqpen ótken kezdesý barysynda.
Mamandar ál-Farabı dańǵylynyń ońtústigin sapaly aýyz sýmen qamtamasyz etý máselesi ózekti bolyp otyrǵanyn aıtady.
Búginde osy aýmaqty 5 jeke kompanıa sýmen jabdyqtaıdy («Orhan», «Ermensaıvodgaz», «Servıs Taý Sý», «Aqsý», «Taý Sý Qyzmet» JSHS), onyń 3-eýi tehnıkalyq sýdy Kaskad stansıasynan alady.