766 mln teńgege deıin ulǵaıdy.
Ústimizdegi jyly «Halyqtyń qatysý búdjeti» joba boıynsha Almatynyń Bostandyq aýdanyna bólinetin qarajat kólemi ósti. Sebebi Bostandyq aýdany turǵyndarynyń usynystary boıynsha 21 joba irikteldi. Bul týraly qala ákimi Erbolat Dosaev halyqpen bolǵan kezdesý barysynda aıtty, dep habarlaıdy Almaty-akshamy.kz.
Jaılylyqty damytý jáne qalany abattandyrýdy jaqsartý úshin 2019 jyldan bastap Almatyda «Halyqtyń qatysý búdjeti» jobasy iske asyrylýda.
Bıyl bul joba boıynsha Bostandyq aýdany úshin qarjylandyrý kólemi 58%-ǵa 766 mln teńgege deıin ulǵaıdy (2021 jyly 483,8 mln teńge).
«Bostandyq aýdany turǵyndarynyń usynystary boıynsha 21 joba irikteldi. Onda balalar jáne sport alańdaryn, Gagarın, Masanchı, Buqar jyraý gúlzarlaryn, Qazaq memlekettik sırki jáne Qazaq memlekettik ýnıversıteti, №10 mektep janyndaǵy tynymbaqtardy, Tımırázev kóshesindegi jaıaý júrginshiler aımaǵyn, jasyl aımaqtardy sýarý qubyrlaryn aǵymdaǵy jóndeý kózdelgen»,- dedi Erbolat Dosaev kezdesý barysynda.