Jármeńkege Qazaqstannyń iri 30-dan astam jumys berýshi kompanıalary qatysady.
20 sáýir kúni «Professional course» ózekti kásipter boıynsha qysqa merzimdi kýrstar: «Soft skils» boıynsha kýrsy» jobasynyń aıasynda bos jumys oryndarynyń jármeńkesi ótedi, dep habarlaıdy Almaty-akshamy.kz
Mamandyqtar jármeńkesi – bul jastar úshin ózderi qalaǵan saladaǵy bos jumys oryndary naryǵyn zertteýge jáne bir jerde birneshe jumys berýshilermen tikeleı kezdesip, tildesýlerine tamasha múmkindik. Jármeńkeniń negizgi maqsaty – jastar men túlekter úshin jumys oryndarynyń qoljetimdiligin keńeıtý, laıyqty úmitkerlerdi tartý arqyly jumys berýshiler úshin jaldaý prosesin jeńildetý jáne olardyń jumysqa ornalasýyna járdemdesý.
Atalǵan is-shara Almaty qalasy jastar saıasaty basqarmasynyń qoldaýymen, «UAQYT» qoǵamdyq qorynyń jáne Eýrazıa Tehnologıalyq Ýnıversıtetiniń uıymdastyrýymen 20 sáýir kúni saǵ:14:00-16:00 aralyǵynda Tóle bı kóshesi, 109B mekenjaıynda ornalasqan Eýrazıa tehnologıalyq ýnıversıtetinde ótedi.