Memleket basshysy Qazaqstan halqyna Joldaýynda qańtar oqıǵasynda asa aýyr qylmys jasamaǵan azamattarǵa raqymshylyq jasalatyny týraly aıtty. Iaǵnı olardyń jazasy jeńildeıdi. Memleket basshysy: "Zań buzǵandardyń birqatary kinásin túsinip, ótken iske ókinip otyr. Olarǵa keshirimmen qaraǵan durys", - dedi. Bundaı amnıstıa bizde birinshi ret jasalyp otyr. Ol úlken jaqsylyq ekeni anyq. Qandaı adam shyǵady, erteń olar ne aıtady, osy máseleni zańdastyrý kerek.
Joldaýdy basa mán berilip aıtylǵan dúnıe zańǵa baǵyný, barlyǵyn zańdastyrý boldy. Bul kópshilikti qýantatyny belgili. Jańa Qazaqstanda zańǵa sáıkes júreıik degen ustanym aıtylǵany óte oryndy. Sýdıalar táýelsiz bolýy kerek, sheshimdi ózi qabyldaý qajet. Sondyqtan olardyń táýelsizdigin kóterý máselesin áli de qolǵa alý kerek.