Qala kúni aıasynda shahar basshysy Erbolat Dosaev qalany damytýǵa erekshe úles qosqan on adamaǵa «Almaty qalasynyń qurmetti azamaty» ataǵyn berdi, dep habarlaıdy Almaty-akshamy.kz Inform.kz-ke silteme jasap.
Búgin Almaty turǵyndary Qala kúnin toılap jatyr. Qalanyń ártúrli bólikterinde merekelik is-sharalar ótýde. «Súıem seni, Almaty!» retro-festıvaliniń ashylý saltanatynda qala ákimi Erbolat Dosaev almatylyqtardy quttyqtady.
«Sizderdi Qala kúnimen shyn júrekten quttyqtaımyn! Bul bárimiz úshin, árbir almatylyq úshin erekshe mereke! Men osynda týyp óstim, meniń eń jyly estelikterim Almatymen baılanysty. Munda men otbasyn qurdym, balalarym ósip keledi»,- dedi Erbolat Dosaev. Sonymen qatar, shahar basyshysy Almatyny damytý boıynsha úlken maqsattar men mindetter bar ekenin atap ótti.
«Bárimiz birge qalamyzdy budan da jaqsyraq jáne ádemi etýimiz kerek. Bizdiń negizgi maqsatymyz – jaıly qalalyq orta qurý jáne megapolıstiń barlyq aýdandarynda turǵyndardyń tabysyn arttyrý. Men Almatynyń barlyq turǵyndaryna shyn júrekten mahabbat pen zor densaýlyq tileımin! Bizdiń Almaty ósip, gúldene bersin», – dedi ol.
Shara barysynda megapolıs basshysy Almatynyń damýy men gúldenýine eleýli úles qosqan 10 turǵyndy «Almaty qalasynyń Qurmetti azamaty» ataǵymen marapattady.
Qazaq KSR-niń Joǵary Keńesiniń depýtaty, QR burynǵy Densaýlyq saqtaý mınıstri, memleket jáne qoǵam qaıratkeri, medısına ǵylymdarynyń kandıdaty Talapqalı Ábishuly İzmuhambetov, Qazaq SSR-niń eńbek sińirgen ártisi, kıno jáne teatr ártisi Merýert Qarataıqyzy Ótekeshova, Qazaqstannyń halyq ártisi. Altynbek Qorazbaev, belgili qoǵam qaıratkeri. Asyly Álıqyzy Osman, aqyn, Qazaqstan Jazýshylar odaǵynyń múshesi, jýrnalıs Júrsin Moldashuly Ermanov, Memleket jáne qoǵam qaıratkeri, Qazaqstan Respýblıkasynyń eńbek sińirgen zańgeri Zınaıda Leontevna Fedotova, Soǵys ardageri Qaıyrly Ýataıuly Jońqabaev, ustaz, tarıhshy Orynsha Qarabalına, Memleket jáne qoǵam qaıratkeri, otstavkadaǵy 1-shi rangili kapıtan, áskerı teńizshi Kúpesbaı Orazbaıuly Jampeısov, Qazaqstan Respýblıkasynyń eńbek sińirgen arhıtektory Lúbov Vladımırovna Nysanbaeva ıe boldy. Sondaı-aq Qurmetti ataqtan basqa, marapattalǵandar 1 mln teńgege aqshalaı sertıfıkattar aldy.
İs-sharanyń resmı bóligi aıaqtalǵannan keıin qala ákimi «Súıem Sen, Almaty!» atty qalanyń 1940 jyldan kúni búginge deıingi Almatynyń mádenı tarıhı distúrlerine aonalǵan festıválde boldy. Qala turǵyndary men qonaqtary ár onjyldyqtyń atmosferasyna mýzyka, poezıa jáne dekorasıa arqyly kirdi. Ártister Shámshi Qaldaıaqovtyń kompozısıasyn, Dos-Muqasan ánderin oryndap, teatrlyq qoıylymdar qoıdy.
Qala kúniniń basty oqıǵasy Tuńǵysh Prezıdent saıabaǵynda ótken «Alma Fest» dástúrli festıvali boldy. Uıymdastyrýshylar alma jármeńkesin, úlken konsert jáne túrli belsendilik kórsetti. Festıváldiń basty alańynda 100 tonna jergilikti alma usynyldy.
Qala kúni Almaty Arena-da tanymal otandyq juldyzdar men A'Studio tobynyń qatysýymen ótetin «Sálem, Almaty» atty úlken konsertpen aıaqtalady.
Eske salsaq, Qala kúnine oraılastyrylǵan negizgi merekelik is-sharalar 16 qyrkúıekte bastaldy. Konserttik baǵdarlamalar Almatynyń barlyq aýdandarynda jáne megapolıstiń basty alańdarynda ótti.