Pavlodarda bokstan erler arasyndaǵy Qazaqstan chempıonaty bastaldy, dep habarlaıdy Almaty-akshamy.kz.
Baıraqty básekege elimizdiń barlyq aımaǵynan 200-den asa qatysýshy jınaldy. Halyqaralyq boks qaýymdastyǵynyń talaby boıynsha, ishki birinshilik 13 salmaq dárejesinde ótip jatyr. Ásirese, 63 kelidegi báseke óte joǵary deńgeıde. Óıtkeni, osy sanatqa 29 birdeı bylǵary qolǵap sheberi jınalǵan.
Onyń ishinde ótken Azıa jáne álem chempıonatyna qatysqan Sanatáli Tóltaev, odan bólek, Sultan Mýsın, Muhamedsabyr Bazarbaıuly, Elnur Súıinbaı, Talǵat Syrymbet sıaqty jas ta talantty sportshylar bar.
Aıta ketý kerek, jýyrda ǵana Iordanıadaǵy qurlyqtyq dodada júldege ilikken jerlesterimiz bul jarysqa qatyspaıdy. El chempıonaty 9 jeltoqsanǵa deıin jalǵasady.