Iordanıa astanasy Amman qalasynda bokstan ótip jatqan Azıa chempıonatynda Sáken Bıbosynov fınalǵa shyqty, dep habarlaıdy Almaty-akshamy.kz Inform.kz-ke silteme jasap.
Keshki sesıany qos birdeı álem chempıony Sáken Bıbosynov pen japonıalyq Tomoıa Sýboı (51 kg) bastady.
Olardyń ekeýi de 2021 jyly Belgradta ótken álem birinshiliginde top jarǵan bolatyn. 54 kelige deıingi salmaqta T.Sýboı sońǵy jekpe-jekte qazaqstandyq Mahmýd Sabyrhannan aılasyn asyrǵan edi. Sondyqtan búgin Sáken komandalasynyń da esesin qaıtarýy tıis edi.
Qazaqstandyq boksshy birden urys tizginin qolǵa alyp, qarsylasynan bir bas joǵary ekendigin tanyta bildi. Tóreshiler esebi – 5:0, Sáken Bıbosynovtyń paıdasynda.
Osylaısha, S.Bıbosynov Qazaqstan quramasynan jetinshi bolyp fınalǵa joldama aldy.
Keshki sesıada sondaı-aq Aslanbek Shymbergenov (71 kg), aǵaıyndy jigitter Nurbek Oralbaı (80 kg) men Aıbek Oralbaı (92 kg) fınaldyń joldamasy úshin kúresedi.
Sýret: Olympic.kz