Almatyda 1 qyrkúıekten bastap 1-synyp oqýshylaryna týberkýlezge qarsy ekpe egý naýqany júrgizildi, dep habarlaıdy Almaty-akshamy.kz Inform.kz-ke silteme jasap.
Vedomstvonyń málimetinshe, balalarǵa mantý egý naýqanynyń qorytyndysy boıynsha 6182 baladan (22,7%) oń nátıje anyqtaldy.
«Oń nátıje anyqtalǵan 6182 balaǵa rekombınantty týberkýlez alergeni (RTA) synamasy jasaldy. Nátıjesinde týberkýlez mıkobakterıalaryn alǵash ret juqtyrǵan 39 bala anyqtaldy. Olarǵa profılaktıkalyq em taǵaıyndaldy»,- delinedi habarlamada.
Vedomstvo málimetinshe, balalarda týberkýlezdiń damýynyń birden bir sebebi - týberkýlezben aýyratyn naýqaspen uzaq qarym-qatynasta bolý. Sol kezde balanyń aǵzasy mıkobakterıalardy juqtyrady.
«Megapolıstiń epıdemıologtary týberkýlezdi sátti emdeýdiń bir sharty - aýrýdy erte anyqtaý ekenin eske salady. Aýrýdy erte anyqtaý úshin týberkýlezden saqtanyp, aýrýdyń belgilerin bilý jáne der kezinde dárigerge qaralý qajet»,- dep eskertti qalalyq sanıtarıalyq-epıdemıologıalyq baqylaý departamenti.
Sýret: Time.kz