Bakýde aıaqtalǵan álem chempıonatynda paradzúdoshylardyń erler komandasy qola medalin qanjyǵaǵa baılady. Qazaqstandyqtar álemniń úzdikteri Brazılıany 4:2 esebimen jeńip, jartylaı fınalǵa shyqty, dep habarlaıdy Almaty-akshamy.kz Inform.kz-ke silteme jasap.
Jartylaı fınalda Ázerbaıjan komandasyna ese jiberip, qola júlde úshin kezdesýde IBSA qurama komandasyna eshqandaı múmkindik qaldyrmady.
Oljas Orazalyuly, Temirbolat Tashekenov, Erlan Konkıev jáne Amanjol Janbota óz qarsylastaryn es jıǵyzbaı ıppon ádisimen taza jeńip, tarıhymyzda alǵash ret komandalyq qola medal syılady.
«Bul jetistik - eren eńbektiń jáne elimizdegi sportty qoldaýynyń nátıjesi» - dep quramanyń bas bapkeri Jandos Qıanov.
Eske sala keteıik, komandalyq saıysta 2019 jyly Qazaqstan quramasy Azıa chempıony atanǵan bolatyn.
Sonymen qatar IBSA ulttyq quramasynyń sapynda otandasymyz Alfıa Tilekqabyl (J1 -57 kg) komandalyq jarysta qola medal jeńip aldy.
IBSA komandasyna óz quramasynan adam sany jetkiliksiz bolǵan sportshylar kirdi.
Komandalyq jarys jeńimpazdary Ýkraına bolsa, kúmis Brazılá qyzdarynda.
Sýret: Inform.kz