Esirtkige qarsy zańnamany jetildirý sátinen bastap polısıa qyzmetkerleri 35 zerthanany joıdy
Álemde dástúrli esirtkilerdi – geroın men marıhýanany sıntetıkalyq esirtkilermen almastyrý jıi baıqalyp keledi. Bul jahandyq esirtki ahýalynyń zamanaýı trendi, eń aldymen, olardy daıyndaýdyń jáne qoldaný qarapaıymdylyǵymen baılanysty.
Alǵashqy kezde Qazaqstandaǵy mundaı esirtki tolyǵymen shetelde óndirilgen jáne bizdiń elge kontrabandalyq jolmen nemese poshtalyq jáne logıstıkalyq kólik arnalary arqyly ákelingen, dep habarlaıdy Almaty-akshamy.kz Polisiakz-ke silteme jasap.
Keıde “sıntetıka” – konstrýktorlar, ıaǵnı zańdy túrde hımıalyq zattar retinde ákelinip, olardan esirtkiniń az dozalary sol jerde shyǵarylyp otyrdy. Alaıda qazir esirtkiniń “qara” naryǵyn taldaý esirtki satýshylardyń jasyryn zerthanalar jaǵdaıynda el ishinde sıntetıkalyq esirtki óndirisine qaıta baǵdarlanǵanyn aıǵaqtaıdy.
Munda belgili bir dárejede SOVID-19 taralýyna baılanysty qabyldanǵan shekteýler áser etti. Quqyq qorǵaý organdary jaǵdaıdyń osylaı órbýine daıyn boldy. 2019-2020 jyldary zańnamalyq bastamalar paketi qabyldandy: esirtkiniń jańa túrlerin esepke qoıý jeńildetildi, olardyń aınalymy úshin jaýapkershilik kúsheıtildi.
Qylmystyq kodekske esirtkini ınternet arqyly taratý, esirtkini nasıhattaý jáne jarnamalaý sıaqty qylmystyń jańa túrleri engizildi. Osy sátten bastap İİM Esirtki zattarynyń tizimin úsh ret tolyqtyrdy jáne barlyǵy 115 jańa psıhobelsendi zatty memlekettik baqylaýǵa engizdi
Jergilikti esirtki bıznesiniń “sıntetıka” óndirisine qaıta baǵdarlanýyna baılanysty, sıntetıkalyq esirtki óndirý úshin paıdalanylatyn zattar – prekýrsorlardyń aınalymy úshin jaýapkershilikti kúsheıtý boıynsha mardymdy (pármendi) sharalar qabyldandy. Úkimet qaýlysymen asa qaýipti zattardyń (mefedron, pırovaleron jáne olardyń analogtary, sıntetıkalyq kannabınoıdtar) “krımınaldyq” mólsheri azaıtyldy jáne tıisinshe olardy ótkizý maqsatynsyz zańsyz saqtaǵany úshin qylmystyq jaýapkershilik kúsheıtildi.
Endi mundaı zattardy saqtaý úshin qylmystyq jaýapkershilik bir gramnan bastalady, eger olar bilim berý uıymdarynda taratylatyn bolsa, jaza ómir boıyna bas bostandyǵynan aıyrýǵa deıin jetedi. Zańnamaǵa túzetýler qabyldanǵan sátten, 2019 jyldan bastap ishki ister organdary 182 kg “sıntetıkany” tárkileı otyryp, 35 esirtki zerthanasyn joıdy. Barlyq jaǵdaılarda hımıalyq prekýrsorlar, reagentter, zerthanalyq jabdyqtar Qazaqstanǵa logıstıkalyq kompanıalar, kórshi elderdiń poshta jóneltilimderi arqyly jetkizilip otyrǵan.
Sondyqtan İİM kúdikti jóneltilimderdi anyqtaı otyryp, kólik-logıstıkalyq kompanıalarmen tyǵyz ózara is-qımyl jasaıdy. Ótken aıda İİM úılestirýimen elordalyq jáne qaraǵandylyq esirtki polıseıleri Nur-Sultan qalasynyń turǵyndaryn ustady, olar “Family Village” kotej qalashyǵyndaǵy úılerdiń birinde esirtki óndirisin jolǵa qoıyp, olardy qalada kóterme satýmen aınalysqan. Sol kezde 1200 “Ekstazı”, 2 kg “Álfa-PVP” tabletkalary jáne 140 lıtr prekýrsorlar tárkilendi. Salmaǵy 1,2 kg bolatyn sıntetıka jasyrylǵan eki jer áshkerelendi. Tek osy fakt boıynsha shamamen tórt keli sıntetıkalyq esirtki tárkilendi.
Aǵymdaǵy jyldyń eki aıynda polısıa sıntetıkanyń zańsyz aınalymymen baılanysty 286 esirtki qylmysyn, onyń ishinde sıntetıkalyq esirtkini ótkizýdiń 107 faktisin, asa iri mólsherde esirtki saqtaýdyń 39 faktisin jáne sıntetıkalyq esirtkilerdi jarnamalaýdyń alty faktisin anyqtady. Jeti zerthanany joıdy.