Qazaqstan, Armenıa, Qyrǵyzstan arasyndaǵy alym-salyq burynǵydaı AQSH dollarymen júrgiziledi
Áleýmettik jelilerde "Eýrazıalyq ekonomıkalyq odaqqa múshe elder ózara rúblmen esep aıyrysady. Bul týraly Reseıdiń ekonomıkalyq damý mınıstri Maksım Reshetnıkov aıtty" degen aqparat órip júr… Bul málimetti Qazaqstandaǵy keıbir aqparattyq saıttar da jarıalap úlgerdi, dep habarlaıdy Almaty-akshamy.kz
Buǵan qatysty QR Premer-Mınıstriniń orynbasary - Saýda jáne ıntegrasıa mınıstri Baqyt Sultanov: "Biryńǵaı rúbldik aımaq týraly sóz joq. Kún tártibinde mundaı másele de bolǵan joq. Oryn alǵan qıyndyqtardan qalaı shyǵýdyń mehanızmi tóńireginde áńgime boldy", - dep málimdedi LSnews basylymynda.
"Reseı men Belarýs elderine salynǵan sanksıalarǵa qatysty kedendik odaqqa múshe elderdiń kedendik alym-salyqtary ózara AQSH dollarymen júzege asýy múmkin bolmaı qaldy. Sol sebepti kelissózde Qazaqstan usynǵan ustanym qoldaý tapty.
Iaǵnı, ımporttyq kedendik baj Reseı men Belarýs elderine rúblmen júzege asady. Alaıda rúbldiń baǵamy ár eldiń óz Ulttyq bankteri sheńberinde retteledi. Al, Qazaqstan, Armenıa, Qyrǵyzstan arasyndaǵy alym-salyq burynǵydaı AQSH dollarymen júrgiziledi".
Bul - QR Úkimetiniń resmı málimeti.