2025 jylǵy qańtar–mamyr aralyǵynda aýyl sharýashylyǵynyń jalpy ónim kólemi 1,3 trln teńgeni qurap, ótken jyldyń sáıkes kezeńimen salystyrǵanda 4%-ǵa ósti.
Ósim negizinen mal sharýashylyǵy óniminiń 4,2%-ǵa artýynyń esebinen qamtamasyz etildi – 1,2 trln teńgege deıin. Atap aıtqanda, soıys salmaǵyndaǵy et óndirý kólemi 3,0%-ǵa (409,1 myń tonnaǵa deıin), sıyr súti óndirisi 7,5%-ǵa (1 347,9 myń tonnaǵa deıin) artty, dep habarlaıdy aqshamnews.kz.
Mal basynyń ósýi baıqaldy: iri qara mal – 23,4%-ǵa (9,7 mln basqa deıin), qoı men eshki – 7,8%-ǵa (26,3 mln basqa deıin), jylqy – 112,0%-ǵa (5,0 mln basqa deıin), túıe – 8,5%-ǵa (321,3 myń basqa deıin), qus – 2,2%-ǵa (47,7 mln basqa deıin).
Ósimdik sharýashylyǵy ónimi 68,0 mlrd teńgeni qurady, fızıkalyq kólem ındeksi (FKI) 100% deńgeıinde saqtaldy.
Azyq-túlik ónimderin óndirý 10,5%-ǵa artyp, 1 496,5 mlrd teńgege jetti, al sýsyndar óndirisi 5,3%-ǵa ósip, 451,9 mlrd teńgeni qurady.
Óńirlik turǵyda ortasha respýblıkalyq kórsetkishten joǵary ósim 9 oblysta jáne respýblıkalyq mańyzy bar 2 qalada tirkeldi: Jambyl oblysy – 151,3%, Jetisý – 138,4%, Shymkent qalasy – 123,5%, Soltústik Qazaqstan – 118,3%, Qyzylorda – 116,7%, Aqmola – 113,6%, Mańǵystaý – 113,4%, Shyǵys Qazaqstan – 111,7%, Astana qalasy – 111,3%, Almaty oblysy – 110,6%, Túrkistan oblysy – 110,5%.
Sondaı-aq, jekelegen azyq-túlik túrlerin óndirý kólemi artty: ósimdik maıy – 19,1%-ǵa (376,8 myń tonnaǵa deıin), shujyq ónimderi – 11,3%-ǵa (31,1 myń tonnaǵa deıin), sary maı – 12,7%-ǵa (15,1 myń tonnaǵa deıin), un – 6,6%-ǵa (1 438,3 myń tonnaǵa deıin), qyshqyl sút ónimderi – 4,3%-ǵa (106,2 myń tonnaǵa deıin).