Qurylys, aqparat jáne baılanys, kólik jáne qoımalaýda, sondaı-aq óńdeý ónerkásibinde oń dınamıka baıqaldy.
Jyl basynan beri Qazaqstan ekonomıkasynyń ósimi 4,2%-dy qurady, dep habarlaıdy Almaty-akshamy.kz Úkimettiń resmı kanalyna silteme jasap.
Oljas Bektenovtiń tóraǵalyǵymen ótken Úkimet otyrysynda Premer-Mınıstrdiń orynbasary – ulttyq ekonomıka mınıstri Nurlan Baıbazarov bıylǵy jyldyń qańtar-aqpan aılaryndaǵy jalpy ishki ónimniń ósý qarqyny týraly baıandady.
Bıyl eki aıda ekonomıkanyń naqty sektorynda ósim 5,1%-dy, qyzmet kórsetý salasynda – 3,5%-dy qurady.
Salalar arasynda qurylys, aqparat jáne baılanys, kólik jáne qoımalaýda, sondaı-aq óńdeý ónerkásibinde oń dınamıka baıqaldy.
Óńdeý salalarynda óndiristiń ósýi mashına jasaýda 23%-ǵa, onyń ishinde avtomobıl ónerkásibinde 21%-ǵa jáne elektr jabdyqtaryn óndirýde 45%-ǵa qamtamasyz etilgen.
«Negizgi kapıtalǵa tartylǵan ınvestısıalardyń ósý qarqyny 7,9%-dy qurady. Investısıalar kólemi qurylysta – 2,7 esege, bilim berýde – 56%-ǵa, kólik jáne qoımalaýda – 47%-ǵa ósti. Óńirler boıynsha eń joǵary ınvestısıalyq kórsetkishter Qyzylorda, Túrkistan, Jetisý oblystarynda, sondaı-aq Astanada baıqaldy», dedi N.Baıbazarov.
Vıse-premer ekonomıkalyq ósýdi odan ári qamtamasyz etý úshin basa nazar aýdarý qajet birqatar sharalardy da atap ótti. Olardyń qatarynda jeke ınvestısıa tartý, jumys istep turǵan óndiris oryndaryn keńeıtý, jańadan iske qosý jáne t.b. bar.