Qazaqstanǵa 2025 jyldyń basynan beri 9 586 etnıkalyq qazaq oralyp, qandas mártebesin ıelendi, dep habarlaıdy aqshamnews.kz
Jalpy 1991 jyldan bastap respýblıkaǵa 1 mln 157,6 myń etnıkalyq qazaq qonys aýdarǵan.
Qandastardyń kelý geografıasy:
45,7% – Ózbekstannan,
41,8% – Qytaıdan,
4,6% – Túrikmenstannan,
2,7% – Mońǵolıadan,
2,6% – Reseıden,
2,6% – ózge elderden.
Qandastardyń jas ereksheligi men bilim deńgeıi
2025 jylǵy 1 qyrkúıektegi jaǵdaı boıynsha etnıkalyq qonys aýdarýshylardyń:
58,7%-y – eńbekke qabiletti jastaǵylar,
32,3%-y – balalar men jastar,
9%-y – zeınetkerler.
Eńbekke qabiletti jastaǵylardyń ishinde:
15,4%-y – joǵary bilimdi,
29,7%-y – orta kásibı bilimdi,
52,3%-y – jalpy orta bilimdi,
2,6%-ynyń bilimi joq.
Qonystandyrý óńirleri men kvotalar
Etnıkalyq qazaqtar eldiń túrli óńirlerine ornalastyryldy. Eńbek kúshi tapshy aımaqtar retinde myna oblystar belgilengen: Aqmola, Abaı, Qostanaı, Pavlodar, Atyraý, Batys Qazaqstan, Shyǵys Qazaqstan jáne Soltústik Qazaqstan.
2025 jylǵa arnalǵan qandastardy qabyldaý kvotasy – 2 309 adam. Onyń ishinde 1 qyrkúıekke deıin 1 467 qandas qonystandy.
Memlekettik qoldaý sharalary
Qonystanǵan qandastarǵa mynadaı áleýmettik qoldaý usynylady:
kóshýge – ár otbasy múshesine 70 AEK (275,2 myń teńge) mólsherinde birjolǵy tólem;
turǵyn úı jaldaýǵa jáne komýnaldyq qyzmetke – jylyna 15–30 AEK (58,9–117,9 myń teńge) aralyǵynda.
Jyl basynan beri 594 qandasqa qoldaý kórsetildi, onyń ishinde 237 adam turaqty jumysqa ornalasty.
Qosymsha yntalandyrý sharalary
Erikti qonys aýdarýdy kúsheıtý maqsatynda jumys berýshilerdi qoldaý tetikteri engizildi.
Sonymen qatar, ekonomıkalyq utqyrlyq sertıfıkaty qarastyrylǵan. Ol turǵyn úı satyp alý nemese salý, sondaı-aq ıpotekalyq qaryz boıynsha bastapqy jarnany jabý úshin beriledi.
Bul sertıfıkat otbasyǵa úı qunynyń 50%-yna deıin nemese 4,56 mln teńgege deıingi mólsherde qaıtarymsyz tólenedi.