Kúdiktiler jaıly shynaıy aqparat bergen adamǵa aqshalaı syıaqy tólenedi.
Qarjy monıtorıńi agenttigi 1,1 mlrd teńge búdjet qarjysyn jymqyrdy degen kúdikpen eki azamatqa izdeý jarıalady, dep habarlaıdy Almaty-akshamy.kz
«Qarjy monıtorıńi agenttigi kásipker A.B. Jeksenǵalıev pen Qazaqstan azamaty E.K.Medetbekovke izdeý jarıalaıdy. Olar 1,1 mlrd teńge búdjet qarjysyn urlady degen kúdikke ilindi. Bul aldyn ala kelisý arqyly bir top adammen asa iri mólsherde aqsha urlaý», - delingen vedomstvo habarlamasynda.
Ekeýine qatysty qamaýda ustaý túrinde bultartpaý sharasy tańdaldy.
İzdestirilip jatqan adamdar jaıly qandaı da bir aqparat belgili bolsa, agenttiktiń senim telefonyna – +7 7172 708 478, +7 7172 767 921 habarlasýǵa nemese Nur-Sultan qalasy, Beıbitshilik kóshesi, 10 mekenjaıyna barýǵa bolady.
Kúdiktiniń turatyn jeri týraly shynaıy aqparat bergen adamǵa aqshalaı syıaqy kózdelgen. Habar bergen adamnyń aty-jóni jarıa etilmeıdi.