«Búdjetke qatysý» jobasy boıynsha túsken ótinimder sany úsh ese artqan
Almatyda «Búdjetke qatysý» jobasy iske qosylǵan sátten bastap halyq tarapynan kelip túsken ótinimder sany 3 ese artqan. Qala basshysy Baqytjan Saǵyntaev "Halyq únine qulaq asatyn memleket" retinde bul joba óziniń tıimdiligin dáleldegenin aıtty, dep habarlaıdy Almaty-akshamy.kz Almaty.tv saıtyna silteme jasap
Búginde turǵyndardyń suranysy men daýys berýi boıynsha qalada ulttyq stıldegi biregeı skeıt alańdar, aleıalar, vorkaýt alańdary jáne taǵy basqa da sport alańqaılary ornatyldy.
«Biz «Halyq únine qulaq asatyn memleket» tujyrymdamasy aıasynda 2019 jyldan bastap «Búdjetke qatysý» jobasyn júzege asyryp kelemiz. Bıyl jobany iske asyrýǵa 7,4 mlrd teńge baǵyttalǵanyn atap ótkim keledi. Halyq tarapynan suranystyń artýyna qaraı qarjylandyrý kólemi ulǵaıatyn bolady», – dedi Almaty qalasynyń ákimi Baqytjan Saǵyntaev.