Saılaý quqyǵyn júzege asyrýy úshin barlyq jaǵdaı jasaldy.
TMD Parlamentaralyq Assambleıasynyń halyqaralyq baqylaýshysy Islambek Mursabekov Bishkekte ótken Qazaqstan prezıdentin kezekten tys saılaý prosesinde eskertýlerdiń bolmaǵanyn jáne zań buzylmaǵanyn atap ótti, dep habarlaıdy Almaty-akshamy.kz Almaty.tv cilteme jasap.
«Búgin biz Qazaqstannyń Qyrǵyz Respýblıkasyndaǵy Elshiligindegi saılaý ýchaskesinde saılaý barysyn baqyladyq. Ýchaskelik komısıa saılaý úderisin Qazaqstan Respýblıkasynyń zańnamasyna jáne halyqaralyq saılaý standarttarynyń talaptaryna sáıkes joǵary deńgeıde uıymdastyryp, kóptegen aqparattyq jumystar júrgizgenin atap ótkim keledi. Saılaýshylar daýys berýge qalaı qatysqanyn kórdik. Saıtta kandıdattar, daýys berý barysy men tártibi týraly aqparattyq stendter qoıylyp, jasyryn daýys berýge arnalǵan kabına da ornatylǵan. Osyǵan sáıkes Qazaqstan halqynyń óz saılaý quqyǵyn júzege asyrýy úshin barlyq jaǵdaı jasaldy. Daýys berý kezinde eskertýler men zań buzýshylyqtar tirkelgen joq», - dedi halyqaralyq baqylaýshy Islambek Mursabekov.