Koronavırýs indeti taraǵan sátten bastap búgingi kúnge deıin oblysta 38 486 adamnan koronavırýs anyqtaldy. Onyń ishinde 26 495 adamnan vırýs sımptomdary anyqtalǵan.
İndet juqtyrǵan 423 adamnyń 58-i 14 jasqa deıingi balalar, dep habarlaıdy Almaty-akshamy.kz
«19 tamyzdaǵy jaǵdaı boıynsha sońǵy táýlikte koronavırýsty 423 adam juqtyrǵan. Ósý qarqyny – 1,1%, onyń ishinde 363-i sımptomdy jáne 60-y sımptomsyz. KVI anyqtalǵan 423 jaǵdaıdyń 58-i 14 jasqa deıingi balalar, oqýshylar arasynda 30 jáne stýdentter arasynda 3 jaǵdaı anyqtaldy»,- delingen Almaty oblystyq sanıtarıalyq-epıdemıologıalyq baqylaý departamentiniń baspasóz qyzmeti jarıalaǵan habarlamada.
Oblys óńirleri arasynda: Aqsý-1, Alakól-11, Eńbekshiqazaq-38, Eskeldi–6, Jambyl–29, İle-60, Qarasaı-18, Qaratal-23, Kegen–2, Kerbulaq-11, Kóksý-11, Panfılov–13, Sarqan-13, Talǵar–37, Uıǵyr–26, Taldyqorǵan–103, Tekeli-14, Qapshaǵaı qalasynda 7 adamnyń koronavırýs juqtyrǵany belgili boldy.