Keler jyly keıbir ustazdardyń aılyǵy taǵy 25% kóteriledi.
Qazaqstan ustazdarynyń aılyǵy ósip, bul salaǵa kelýshi mamandardy sany arta bastady, dep habarlaıdy Almaty-akshamy.kz Ranking.kz silteme jasap.
2021 jyldyń ekinshi toqsanynda Qazaqstannyń bilim salasynda jumys istep júrgen azamattardyń sany 528,4 myń adamdy qurady, bul ótken jylmen salystyrǵanda 2,5%-ǵa kóp. Salystyratyn bolsaq, ótken jyly bul salada 515,5 myń adam jumys istegen, demek bir jyldyń ishinde salaǵa kelýshilerdiń sany 2,9% ósken.
Respýblıka óńirleriniń ishinde muǵalimder sany Almaty oblysynda kóp, olardyń sany 68,3 myń adamǵa jetip otyr. Úzdik úshtikke Almaty qalasy jáne Shyǵys Qazaqstan oblysy jatady
Bilim salasynda jumys isteıtin azamattary az óńirge Atyraý oblysy jatady. Bar bolǵany 14,2 myń adam jumys isteıdi.
Bilim berý salasy qyzmetkerleriniń ortasha aılyq jalaqysy 2021 jyldyń ekinshi toqsanynda 233,9 myń teńgeni qurady, bul ótken jylmen salystyrǵanda 26,8% -ǵa kóp. Satyp alý qabiletiniń ındeksi 18,1% qurady.
Mektepke deıingi bilim berý salasyndaǵy qyzmetkerler respýblıka boıynsha ortasha alǵanda 116,4 myń teńge (naqty 20,1%qosylǵan), bastaýysh bilim muǵalimderi - 193,4 myń teńge (plús 11,2%), orta bilim berý ustazdary - 273,7 myń teńge (plús 19%), joǵary bilim beretin mamandar - 251,7 myń teńge (plús 12,2%) jalaqy aldy.
Kosymsha bilim berý qyzmeti salasyndaǵy jumysshylar ortasha eseppen 177,1 myń teńge alady, ıaǵnı aılyqtary 11,6% kóbeıgen.
Respýblıka boıynsha, bilim berý salasynyń mamandary arasynda astana muǵalimderi tabysty bolyp keledi: 350,8 myń teńge - bir jyl burynǵy jalaqydan 17,6% kópteý. Ekinshi jáne úshinshi oryndarǵa Mańǵystaý oblysy (268 myń teńge) men Almaty (265,5 myń teńge) ıelendi. Eń nashar kórsetkish Batys Qazaqstan oblysynda: 200,7 myń teńge, ıaǵnı 31,6%-ǵa kóbeıgen.
Qazaqstan Respýblıkasynyń 17 aımaǵynyń 5 -inde ǵana jumysshylardyń jalaqysy ortasha respýblıkalyq deńgeıden asyp tústi, bul bestikke Qyzylorda men Almaty oblystary da kiredi.
2022 jyldyń qańtarynda balabaqshalar, mektepter men kolejder muǵalimderiniń jalaqysy taǵy 25%-ǵa ósedi, dep habarlaıdy Qazaqstannyń Bilim jáne ǵylym mınıstrligi. Sonymen qatar, 2021 jyldyń qyrkúıeginen bastap muǵalimderdi qabyldaý júıesi ózgerýde jáne bilim berý uıymdarynyń dırektorlaryn taǵaıyndaýdyń jańa júıesi engizilip jatyr.
