2024 jyly Qazaqstanda 250, onyń 227-si tiri donordan, al 23-i qaıtys bolǵannan keıingi donordan aǵzany transplantattaý júrgizildi.
Bul kóptegen pasıentterdiń ómir súrýine múmkindik bergen elimizdiń densaýlyq saqtaý salasyndaǵy mańyzdy jetistik, dep habarlaıdy aqshamnews.kz.
DSM osy saladaǵy derekterdi usyndy.
2012 jyldan bergi statısıka:
Transplantattaý baǵdarlamasy bastalǵannan beri 2012 jyldan bastap Qazaqstanda donorlyq aǵzalardy transplantattaý boıynsha 2800 operasıa júrgizildi. Olardyń ishinde:
* 2353 operasıa (84%) — tiri donordan
* 447 operasıa (16%) — qaıtys bolǵannan keıingi donordan
Qandaı aǵzalar transplantattaldy?
* Búırek — 2078 transplantattaý
* Baýyr - 541 transplantattaý
* Júrek - 98 transplantattaý
* Ókpe - 22 transplantattaý
* Uıqy bezi-2 transplantattaý
* Móldirqabyq - 59 transplantattaý
Transplantattaýdy kútý:
Qazirgi ýaqytta Qazaqstanda transplantattaýdy kútý paraǵynda 4113 adam (95 bala) bar, onyń 3672-si búırekti transplantattaýdy qajet etedi, 184 adam donorlyq baýyrdy jáne 138 adam júrekti kútýde.
Aǵzalardy transplantattaý tek medısınalyq em-shara ǵana emes, bul kóptegen adamdar úshin jańa ómirge múmkindik. Aǵzany transplantattaýdyń árbir jaǵdaıy joǵary dárejeli medısınalyq jumys qana emes, sonymen qatar meıirimdilik pen ózara kómek bolyp tabylady.
Dárigerlerdiń kúsh-jigeri men donorlardyń daıyndyǵynyń arqasynda biz ómirdi saqtap, bolashaqqa úmit beremiz.
Eger Siz donor bolǵyńyz kelse jáne muqtaj adamdarǵa kómekteskińiz kelse — sizdiń kómegińiz bireýdiń ómirindegi sheshýshi qadam bolýy múmkin. Tolyq aqparat pen konsýltasıalardy turǵylyqty jeri boıynsha medısınalyq mekemelerden alýǵa bolady.
Sońǵy jańalyqtar