Osy jeńisten keıin ol týrnırdiń kóshbasshylar tizimine qaıta oraldy.
Qazaqstandyq shahmatshy Bıbisara Asaýbaeva Úndistan astanasy Nú-Delı qalasynda ótip jatqan Gran-prı týrnıriniń úshinshi kezeńinde tórtinshi jeńisine qol jetkizdi, dep habarlaıdy Almaty-akshamy.kz QazAqparatqa silteme jasap.
Atalǵan jeńisinen keıin ol týrnırdiń kóshbasshylar tizimine qaıta oraldy.
Jarystyń altynshy kezeńinde Bıbisara Asaýbaeva reseılik belgili shahmatshy Polına Shývalovadan basym tústi. Bul – qazaqstandyq sportshynyń atalǵan týrnırdegi tórtinshi jeńisi. Osylaısha, 4 balǵa ıe bolǵan ol týrnır kestesinde birinshi orynda kele jatqan Chjý Szınerge jetti. Qytaılyq shahmatshy ázirge birde-bir upaı joǵaltqan joq.
Bıbisara Asaýbaeva búgin, 1 sáýirde úndistandyq tájirıbeli shahmatshy Hampı Konerýmen sheberlik baıqasady. Qarsylasy budan buryn Azıa chempıony atanǵan.
Osy týrnırde Bıbisara Asaýbaeva bir márte jeńilip, reseılik Aleksandra Goráchkınaǵa ese jiberip qoıdy. Al, Nıno Batsıashvılı (Grýzıa), Rameshbabý Vaıshalı men Harıkoı Dronovallı (ekeýi de – Úndistan) syndy qarsylastarynan basym tústi.
Eske salsaq, sáýir aıynda Astanada shahmattan álem chempıonaty ótedi.