Jalpy, 1991 jyldan beri respýblıkaǵa 1 mıllıon 92,4 myń etnıkalyq qazaq oraldy.
Jyl basynan beri bes myńǵa jýyq adam qandas mártebesin aldy, dep habarlaıdy Almaty-akshamy.kz.
«2022 jylǵy 1 mamyrdaǵy jaǵdaı boıynsha, 4 502 etnıkalyq qazaq tarıhı otanymen tabysyp, qandas mártebesin aldy. Jalpy, 1991 jyldan beri respýblıkaǵa 1 mıllıon 92,4 myń etnıkalyq qazaq oraldy», - delingen Eńbekmıni baspasóz qyzmetiniń habarlamasynda.
Osy jyldyń basynan bastap Qazaqstanǵa kelgen qandastardyń jartysynan kóbi (68,2%) Ózbekstannan, 9,8% – Qytaıdan, 10,4% – Túrikmenstannan, 2,6% – Mońǵolıadan jáne 9,2% basqa elderden.
Kelgen etnıkalyq qazaqtar negizinen Almaty (30,3%), Mańǵystaý (20,1%), Túrkistan (10,8%) jáne Jambyl (6,0%) oblystaryna, sondaı-aq Almaty (5,8%), Nur-Sultan (6,8%) jáne Shymkent (7,6%) qalalaryna qonystandy.
Osy jylǵy 1 mamyrdaǵy jaǵdaı boıynsha, eńbekke qabiletti jastaǵy etnıkalyq qonys aýdarýshylar sany 63,1%-dy, eńbekke qabiletti jastan kishi 23%-dy jáne zeınetkerler 13,9%-dy quraıdy.
Eńbekke qabiletti jastaǵy qandastardyń ishinen bilim deńgeıi boıynsha 10,9%-y joǵary bilimdi, 40,7%-y orta kásibı bilimdi, 46,6%-y jalpy orta bilimdi jáne 1,7%-ynyń bilimi joq.