Qazaqstan Respýblıkasy Qarýly Kúshteriniń qurylǵanyna 30 jyl tolýyn merekeleý aıasynda qalada túrli is-sharalar uıymdastyrylady, dep habarlaıdy Almaty-akshamy.kz.
Otan qorǵaýshylar kúni qarsańynda Almatynyń barlyq mektepterinde «Erlik sabaqtary», synyp saǵattary, mánerlep oqý jáne esse baıqaýlary ótedi.
Mereke qarsańynda İshki ister, qorǵanys, tótenshe jaǵdaılar organdarynyń erekshe kózge túsken qyzmetkerlerine alǵys hattar tabys etiledi.
Almatyda úsh kún boıy, 7-9 mamyr aralyǵynda, qyzmettik mindetterin atqarý kezinde qaza tapqan sarbazdardyń eskertkishterine gúl shoqtaryn qoıý rásimi ótedi.
7 mamyrda saǵat 16.00-de Respýblıka saraıynda Otan qorǵaýshylar kúnine jáne QR Qarýly Kúshteriniń 30 jyldyǵyna arnalǵan saltanatty is-shara ótedi, onyń barysynda ardagerler men áskerı qyzmetshilerge qurmet kórsetiledi.