Tek ótken jyldyń ózinde júkti áıelder arasynda koronavırýs ólimi úsh ese ósken.
Qazaqstandyq akýsher-gınekolog, reprodýktolog, ǵalym, oqytýshy, qoǵam qaıratkeri, medısına ǵylymdarynyń doktory, profesor, QR UǴA akademıgi, RMAT akademıgi, Qazaqstan reprodýktıvti medısına qaýymdastyǵynyń prezıdenti Vácheslav Notanovıch Lokshın júkti áıelderde koronavırýs qalaı júretini jáne, eger áıel júktilikke deıin egilmese, ne isteý kerektigi týraly suraqtarǵa jaýap berdi, dep habarlaıdy Almaty-akshamy.kz.
Reprodýktologtyń aıtýynsha, ótken jyly júkti áıelderdiń kópshiligi kovıdtiń sımptomsyz túrimen aýyrǵan, biraq bizdiń elge «delta» shtamynyń kelýimen jaǵdaı ózgerdi: aýrý qazir sımptomsyz túrde tez júredi. Jetilmeı qalǵan júktilik, merziminen buryn bosaný, jasandy túsik túrinde asqynýlar bar. Keıde aýrý áıeldiń ólimimen aıaqtalady.
«Biz áıelderden aıyrylyp jatyrmyz», - dep ashyna aıtty Vácheslav Lokshın.
Ol júkti áıelderde koronavırýsty emdeýdiń qıyndyqtaryn atap ótti, sebebi olarǵa emdeýge qajetti barlyq dári-dármekterdi berý árdaıym múmkin emes. Sondyqtan barlyq elderdiń dárigerleri koronavırýsqa qarsy vaksına alǵanǵannan keıin ǵana júktilikti josparlaý kerek dep sanaıdy.
Eger de júktilikke deıin vaksına alyp úlgermegen bolsa, onda ony júktilik kezinde jasaı alady, óıtkeni barlyq vaksınalardy, sonyń ishinde «Spýtnık V» preparattaryn óndirýshiler qarsy kórsetilim qatarynan júktilik kezeńin alyp tastady.
«AQSH, Kanada jáne Izraıl sıaqty damyǵan elder birneshe aıdan beri júkti pasıentterdi kovıdke qarsy vaksınasıalaýda. Bizdiń elge Pfizer vaksınasynyń jetýin kútip otyrmyz, onymen júkti áıelderdi jáne tipti balalardy egýdi bastaımyz», – deıdi maman.
Ótken jyldyń jazynda kovıdtiń órshýi bizdiń densaýlyq saqtaý júıemizdi eseńgiretti, sondyqtan kóptegen áıel aýrýhanaǵa jatqyzýda kedergilerge ushyrady, emdelýge keshigip keldi, koronavırýs juqtyrýdan qorqyp, konsýltasıalarǵa barmady. Osydan keıin júkti áıelder arasyndaǵy ólim-jitim jáne júktiliktiń ártúrli asqynýlary artty. Suhbat barysynda dáriger vaksınany qoldaǵany úshin oǵan áleýmettik jelilerde ashýly pikirler jıi jazylatynyn aıtty.
«Eger bul adamdar «qyzyl» aımaqqa barsa, olar: osy qorqynyshty ınfeksıadan ózińizdi qorǵaýǵa nemese kem degende aýrýdy jeńil túrde ótkizýge múmkindik bolsa, ony mindetti túrde qoldanýyńyz kerek degen bir qarapaıym nárseni túsinetin edi», - deıdi akýsher-gınekolog.
Árıne, júkti áıel toǵyz aı boıy eshkimmen sóılespeýi múmkin, úıden eshqaıda shyqpaýy múmkin, tek mundaı jaǵdaıda onyń úıindegi barlyq adamdar vaksınalanýy kerek. Biraq, Lokshınniń pikirinshe, bul ekitalaı.
«Qazirgi áıelder áleýmettik belsendi, kóptegen adammen aralasýǵa daǵdylanǵan. Sondyqtan óz qaýipsizdigi úshin olarǵa vaksına alý qajet», – dep qorytyndylady sarapshy.