Belgili satırık-jazýshy Erkin Jappasuly dúnıeden ótti, - dep habarlaıdy Aqshamnews.kz.
Erkin Jappasuly 1954 jyly Semeı oblysy, Aqsýat aýdanynyń «Ekpin» aýylynda dúnıege kelgen. 1982 jyly Qazaq memlekettik ýnıversıtetiniń (qazirgi QazUÝ) jýrnalısıka fakúltetin bitirgen. Eńbek jolyn «Qazaqstan pıoneri» («Ulan») gazetinde bastaǵan, keıin respýblıkalyq «Qazaqkitap» birlestiginiń nasıhat redaksıasynda, sondaı-aq, «Qazaq ádebıeti» gazetinde tilshi qyzmetin atqarǵan.
Alǵashqy syqaq týyndylary 1967 jyldan bastap «Semeı tańy», «Qazaq ádebıeti», «Lenınshil jas» (qazirgi «Jas Alash»), «Qazaqstan pıoneri» gazetterinde, «AraSHmel», «Juldyz», «Jalyn» jýrnaldarynda jarıalanǵan.
Ol qazaq satırasynyń damýyna aıryqsha úles qosqan. «Kimge kúlki, kimge túrpi?», «Oı, qytyǵym keledi…», «Qymsynbashy, qylyqtym», «Myńqetpes myńq eter emes» atty kitaptary jaryq kórgen. 2003 jyly «Qymsynbashy, qylyqtym» eńbegi úshin Halyqaralyq «Alash» ádebı syılyǵyn alǵan. Onyń shyǵarmalary orys jáne qytaı tilderine aýdarylǵan.
Sonymen birge, Erkin Jappasuly «Qazaqstan», «Habar» telearnalarynyń ázil-syqaq habarlaryna, áıgili «Tamasha» oıyn-saýyq otaýyna turaqty avtor bolǵan.