Atyraý qalasynda ornalasqan meıramhana kesheninde iri órt shyqty, dep habarlaıdy Aqshamnews.kz tilshisi QR Tótenshe jaǵdaılar mınıstrliginiń baspasóz qyzmetine silteme jasap.
Vedomstvonyń málimetinshe, oqıǵa senbi kúni Geolog yqshamaýdanynda oryn alǵan. Aqqulov kóshesinde ornalasqan eki qabatty meıramhana kesheniniń shatyry 500 sharshy metr aýmaqta órtengen.
Órt sóndirýshiler kelgen sátte ot ekinshi qabattaǵy kafeniń shatyryn sharpyǵan. Mamandardyń jedel áreketiniń arqasynda tilsiz jaý tolyqtaı sóndirildi.
Qýanyshqa oraı, zardap shekkender joq. Órttiń shyǵý sebebi anyqtalyp jatyr.