Karantın sharalary báseńdeıdi
Qyrkúıekten bastap Belgıada karantındik sharalar kúshin joımaq, dep habarlaıdy Almaty-akshamy.kz «Habar 24» saıtyna silteme jasap.
Statısıka boıynsha, ár 10 belgıalyq azamattyń 8-i ekpe saldyrǵan. Buǵan bul eldegi ekpe salý naýqanynyń bir izge qoıylýy sebep. Bul týraly osy eldiń Premer-Mınıstri habarlady. Endi meıramhanalardaǵy adam sany shektelmeıdi. Qoǵamdyq tamaqtaný oryndarynyń barlyǵy túngi saǵat 1-ge deıin jumys isteý múmkindigine ıe. Tek el astanasyndaǵy ahýal ázirshe ońalmaǵandyqtan, ondaǵy karantın talaptary áli de kúshinde bolady. Osyǵan oraı shaharda halyq kóp shoǵyrlanatyn oryndar men kólikterde maska taǵý rejımi saqtalmaq. Jergilikti bılik turyndardy vaksına saldyrýǵa shaqyrady. Aıta keteıik, qazir Belgıada ekpe salý naýqany erikti túrde júrýde. Tek medısına qyzmetkerleri men qarttar úıindegiler mindetti túrde egilýi tıis.
«Medısına qyzmetkerleri halyqtyń densaýlyǵyna jaýapkershilikpen qaraý kerek. Belgıada áli kúnge deıin vırýs juqtyrǵan naýqastar az da bolsa tirkelip jatyr. Bul jaǵdaı biraz ýaqyt saqtalmaq. Óıtkeni halyq demalystan orala bastady, oqý jylynyń bastalýyna da az qaldy. Dese de, vaksınanyń áseri bolar, ólim-jitim men aýrýhanaǵa túskenderdiń sany azaıýda», - dedi Belgıanyń Premer-Mınıstri Aleksandr de Kro.