«Baýyryna salý» fılmi Fransıadaǵy Cinema Heritage festıvalinde arnaıy júldege ıe boldy.
Álemdik kınematografıalyq murany saqtaýǵa jáne nasıhattaýǵa arnalǵan bul bedeldi festıválde tereń mádenı kontekst bar. İs-shara ulttyq kınematografıanyń damýyna eleýli úles qosyp, halyqaralyq aýdıtorıanyń nazaryn aýdardy, dep habarlaıdy aqshamnews.kz Mádenıet jáne aqparat mınıstrligine silteme jasap.
Uıymdastyrýshylar kınotýyndyny joǵary baǵalap, fılmdi IýNESKO-daǵy basym baǵyt sanalatyn mádenı áralýandyqty nasıhattaýda máni zor týyndy dep tapqan.
Jyl saıyn Cinema Heritage festıvali álemdik kınoındýstrıanyń maıtalman ókilderin jınap, úzdikterdi anyqtaıdy. Osy mańyzdy sharada qazaqstandyq fılmniń elenýi qazaqstandyq kıno óndirisiniń deńgeıi men álemdik kınematografıadaǵy ornyn kórsetedi.
Fılm Mádenıet jáne aqparat mınıstrligi men «Ulttyq kınony qoldaý ortalyǵynyń» qoldaýymen túsirilgen.
Aıta keteıik, rejıser Asqat Kýchıncherekov túsirgen «Baýyryna salý» fılmi elimizdiń atyn halyqaralyq arenada tanystyrý úshin «Oskar» komıtetine usynyldy.