Qańtar oqıǵasynan keıin ıgi úlken bastamalar kóterilip jatyr. Jaqynda Memleket basshysy Joldaýynda ózekti máselelerdi kóterip, kópshiliktiń kóńilinen shyqty. Sonda Prezıdent ýákilettigin 7 jylǵa uzartý máselesi aıtyldy. Halyq arasynda túrli pikir bar. Degenmen menińshe, Prezıdentimiz alasapyran ýaqytta saqtyqqa bara jatyr. Jan-jaqtan qaýip bar ekenin de jasyrmaımyz. Sondyqtan osy qaýipti seıiltý úshin kezekten tys Prezıdent saılaýyn ótkizý týraly sheshim qabyldady. Jańa Qazaqstan qurý maqsatynda da bul qajet dúnıe boldy.
Taǵy bir aıta keterligi, elorda ataýynyń ózgerýi oryndy másele dep sanaımyn. Elimizde ádilettik ornap keledi. Halyqty qýantatyn jańalyqtar bolýda. Nur-sultan ataýy onomastıkalyq zańdylyqtar boıynsha áý bastan durys qoıylmaǵan edi. Ádilettik ornaǵannyń alǵashqy belgileri osy. Qazir halyq bálkim, astanamyzdy Alashorda, Altyn orda dep, ne burynǵy Aqmola ataýyn qaıtarsa degen pikirler aıtyp jatyr. Menińshe, rýhymyzdy kóterý úshin mundaı ataýlar qajet. Barlyǵy ýaqyt enshisinde.