Qala ákimi Baqytjan Saǵyntaevtyń tóraǵalyǵymen ótken Nur Otan partıasynyń Almaty qalalyq fılıalynyń saıası keńesinde "nurotandyqtardyń" jumysyn qala turǵyndaryn tolǵandyratyn ózekti máselelerdi tıimdi sheshýge qaıta baǵdarlaý mindeti qoıyldy. Sondaı-aq, partıanyń kezekten tys seziniń delegattary saılandy, dep habarlaıdy Almaty-akshamy.kz
Nur Otan partıasynyń Almaty qalalyq fılıaly saıası keńesiniń jumysyna fılıaldyń aktıvi, depýtattar men aýdandyq fılıaldardyń ókilderi qatysty.
Nur Otan partıasy Almaty qalalyq fılıalynyń saıası keńesi Memleket basshysy Qasym-Jomart Toqaevtyń Almatyda konstıtýsıalyq tártipti ornatý jáne turǵyndardyń qaýipsizdigin qamtamasyz etý úshin qabyldaǵan sharalaryn biraýyzdan qoldady. El Prezıdentiniń batyl áreketteriniń arqasynda qalanyń tynys-tirshiligi qysqa merzimde turaqtaldy.
B. Saǵyntaev Memleket basshysynyń tapsyrmalaryn oryndaý aıasynda Almatyda SHOB shyǵyndaryn óteý, sondaı-aq qalanyń zardap shekken ǵımarattary men qurylystaryn qalpyna keltirý boıynsha jumystar belsendi júrgizilip jatqanyn eske saldy.
Baǵanyń ósýin tejeý jónindegi sharalardy iske asyrý aıasynda úı janyndaǵy dúkenderde áleýmettik mańyzy bar azyq-túlik ónimderiniń quny tómendedi, et ónimderin ótkizý boıynsha qosymsha áleýmettik dúkender ashylýda.
Nur Otan partıasy Almaty qalalyq fılıalynyń tóraǵasy, qala ákimi B. Saǵyntaev "nurotandyqtardyń" jumysty qala turǵyndaryn tolǵandyratyn ózekti máselelerdi tıimdi sheshýge baǵyttaýy kerektigin atap ótti. Halyqtyń jumysqa ornalasýǵa, bilimge qol jetkizýge, áleýmettik qoldaýǵa, ınfraqurylymdy damytýǵa qatysty saýaldaryn sheshýge erekshe nazar aýdarý qajet.
Partıanyń kezekten tys sezine 28 "nurotandyq" qatysady. Delegattar qatarynda Nur Otan partıasynyń saıası keńesi men baqylaý-tekserý komısıasynyń músheleri, sondaı-aq partıanyń aýdandyq fılıaldary men Jas Otan jastar qanatynyń ókilderi bar. Jarǵy qujattaryna súıene otyryp, partıanyń Almaty qalalyq fılıalynyń tóraǵasy, qala ákimi B. Saǵyntaev Nur Otan partıasy Saıası keńesiniń múshesi retinde sıez delegattarynyń qataryna kirdi.