QR Prezıdenti janyndaǵy Ortalyq komýnıkasıalar qyzmetinde ótken baspasóz konferensıasynda Almaty ákimi Baqytjan Saǵyntaev jumys oryndaryn qurý jáne jastar arasynda jumyspen qamtýǵa járdemdesý sharalary týraly aıtyp berdi, dep habarlaıdy almaty-akshamy.kz
Almatyda jyl basynan beri 55 myńǵa jýyq jumys orny ashyldy. Jumyssyzdyq deńgeıi 5,1% quraıdy. Úshinshi toqsanda ortasha aılyq jalaqy 20%-ǵa ósip, 283,7 myń teńgeni qurady.
Jastardy qoldaý jáne olardyń jumyspen qamtylýyna járdemdesý maqsatynda «Jumyspen qamtýdyń jol kartasy» boıynsha búginde 1,4 myń jas jumysqa ornalastyryldy.
Sonymen qatar, «Eńbek» baǵdarlamasy boıynsha jumysqa ornalastyrý sharalarymen 38,3 myń jumyspen qamtyldy. Onyń ishinde turaqty jumysqa – 25 759 adam, ýaqytsha jumys oryndaryna – 10 670 adam (qoǵamdyq jumystarǵa – 7 986 adam, jastar praktıkasyna – 1 491 adam, áleýmettik jumys oryndaryna – 1 193 adam) jumysqa ornalastyryldy. Bıznes ashý úshin 1 293 adamǵa granttar berildi, 113 adamǵa mıkrokredıtter berildi, 1 031 adam qysqa merzimdi oqýǵa jiberildi. Jumysqa ornalasqandardyń 17,1 myńy áleýmettik osal toptarǵa jatady.
Halyqtyń áleýmettik osal toptarynyń ishinen 17,1 myń adam jumysqa ornalastyryldy, bul az qamtylǵandar – 255 adam, 29 jasqa deıingi jastar – 15 159 adam, múgedekter - 1602 adam, balalar úıiniń tárbıelenýshileri – 13 adam, qandastar – 5 adam, probasıa esebinde turǵan adamdar – 27 adam, uıymnyń taratylýyna baılanysty bosatylǵandar – 46 adam.
Sonymen qatar, 15,8 myń jas jumyspen qamtýǵa kómek aldy.
Bastapqy jumys tájirıbesin alý úshin jastardy qoldaý maqsatynda aǵymdaǵy jyly Jastar praktıkasy boıynsha tólemdi jergilikti búdjetten 25 AEK-ten 35 AEK-ke deıin nemese 102 myń teńgege deıin ulǵaıtý týraly sheshim qabyldandy.
Jastardyń eńbek naryǵyndaǵy básekege qabilettiligin arttyrýǵa baǵyttalǵan «birinshi jumys orny» jobasy boıynsha olarǵa qajetti eńbek daǵdylaryn usyný jáne birinshi jumys ornyna beıimdeý úshin 217 adam jumysqa ornalastyryldy.