Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtary men granttary tabystaldy, dep habarlaıdy Almaty-akshamy.kz Inform.kz-ke silteme jasap.
Saltanatty shara barysynda Prezıdent Ákimshiligi Basshysynyń orynbasary Aıda Balaeva Prezıdent syılyǵy men grantynyń ıegerlerin, Alǵysyn alǵan shyǵarmashylyq ujymdardy quttyqtady. Memleket basshysynyń Ókimimen Qazaqstan Respýblıkasy Prezıdentiniń syılyǵy «Qazaq radiosy» radıostansıasynyń bas redaktory Dýlat Abıbýllaevqa, «31 arna» teleradıokompanıasynyń tilshisi Erqanat Kópjasarulyna, «Indýstrıalnaıa Karaganda» gazetiniń bas redaktory Oksana Mágkıhke jáne «Qazaqstan» ulttyq telearnasynyń dırektory Erkin Muhamedjanovqa berildi.
Prezıdent granttaryn «Jetisý» telearnasynyń redaktory Sánıa Baıtarova, «Almaty» teleradıokompanıasynyń arnaıy tehnıka operatory Dıasken Baıtıbaev, «Habar 24» telearnasynyń júrgizýshisi Ánýarbek Birimjanov, «Baigenews.kz» aqparat agenttiginiń tilshisi Jadyra Jolmuhametova ıelendi.
Qazaqstan Respýblıkasy Prezıdentiniń Alǵysy «Adyrna» ulttyq portalynyń, «Ashyq alań» qoǵamdyq-saıası tok-shoýynyń, «Astana» radıosynyń, «Vechernáá Astana» qoǵamdyq-saıası gazetiniń shyǵarmashylyq ujymdaryna tabystaldy.