Burynǵy barshaǵa ortaq baǵasy 27 600 teńge bolatyn.
Qazaqstanda bala tólqujatyna salynatyn memleket baj kólemi eki ese tómendetilýi múmkin, dep habarlaıdy Almaty-akshamy.kz
Senat depýtattary "Salyq jáne búdjetke tólenetin basqa da mindetti tólemder týraly" QR Kodeksine (Salyq kodeksi) ózgerister engizý" jáne "Salyq jáne búdjetke tólenetin basqa da mindetti tólemder týraly" QR Kodeksin qoldanysqa engizý týraly" zań jobasyn talqylady.
Qujatta kámeletke tolmaǵandarǵa tólqujat bergeni úshin memlekettik bajdy 8 AEK-ten (27 600 teńge) 4 AEK-ke (13 800 teńge) deıin tómendetý usynylady.
Depýtattar atap ótkendeı, balalardyń syrtqy kelbeti tez ózgerip otyrady jáne 2-3 jyl ishinde tólqujattaǵy sýret balanyń naqty túrine sáıkes kelmeıdi. Osyǵan baılanysty ata-analar balalarǵa jańa tólqujat jasatýy kerek bolady.
Osylaısha, balanyń tólqujaty tek 1-2 saparǵa ǵana paıdalanylady, bul óte qymbat, ásirese, otbasynda birneshe balasy barlar úshin tipti artyq shyǵyn.