Mańyzdy norma qabyldandy
Bul týraly Bilim jáne ǵylym mınıstri Asqat Aımaǵambetov facebook paraqshasynda jazdy, dep habarlaıdy Almaty-akshamy.kz.
Májilistiń jalpy otyrysynda taǵy bir mańyzdy norma qabyldandy. Másele bir PMPK (psıhologıalyq-medısınalyq-pedagogıkalyq konsýltasıalar) ashý normatıvin 60-tan 50 myń balaǵa deıin ózgertý týraly bolyp otyr. Iaǵnı qazirgi kúni 87 PMPK jumys istep tursa, endi elimizdiń barlyq óńirinen qosymsha taǵy 40-qa jýyq PMPK ashylady, – dedi mınıstr.
Sózinshe, bul kezektilik máselelerin sheshýge áser etip, balalardyń erekshe bilim berý qajettilikterin erte anyqtaýǵa jáne sapaly baǵalaýǵa septigin tıgizedi.
Esterińizge sala keteıin, Ulttyq qoǵamdyq senim keńesiniń otyrysynda Prezıdent Úkimetke osy másele boıynsha sharalar qabyldaýdy tapsyrǵan bolatyn. Balalar jyly aıasynda ózekti jáne uzaq ýaqyt boıy sheshimin tappaǵan máselelerdi sheshýge baǵyttalǵan birqatar jańa bastama iske asyrylady, – dep jazdy Asqat Aımaǵambetov.