Olardyń kúnine jumsaıtyn aqshasyna shek qoıyldy.
Ulttyq bank balalardyń bank kartasyn shekteýge qatysty sheshim qabyldady, dep habarlaıdy Almaty-akshamy.kz
On segizge tolmaǵan qazaqstandyqtardyń kúnine jáne aıyna qansha aqsha jumsaı alatyny, ıaǵnı shegi belgilenedi. Jasóskinderge qatysty ózge de shekteýler bar.
Ulttyq statbúro dereginshe, bıylǵy birinshi jartyjyldyqta 18 jasqa deıingi balalardyń sany 6,7 mıllıon adamnan asty. Iaǵnı, olardyń úlesi el halqynyń 34%-yn quraıdy. Buryn jas urpaq janama túrde ǵana bankterdiń klıenti bolatyn: ata-analary olar úshin merzimdi jáne jınaqtaýshy depozıtter, qurylys jınaq salymdaryn, nemese bilim berý jınaqtaýshy salymyn ashatyn.
Aıta keter jaıt, elimizdegi barlyq bank birdeı shekteý qoımaǵan.
Halyk Bank-tyń balalar kartasy arqyly 20 myń teńgeni sheship alýǵa, karta arqyly operasıalarǵa 50 myń teńge baǵyttaýǵa bolady.
Kaspi bank balalar kartasy arqyly kúnine 10 myń, al aıyna 100 myń teńge jumsaýǵa ruqsat etedi.
SentrKredıt banki, RBK Bank, Altyn Bank ata-analarǵa óz balasy úshin lımıtti óz betinshe ornatýdy usynady.
Jusan bank balalar kartasy arqyly satyp alýlarǵa 100 myń teńge arnaýǵa, bankomattan 20 myń teńge sheship alýǵa, 100 myń teńgege aýdarma jasaýǵa múmkindik beredi.
Forte Bank balalarǵa táýligine 50 myń teńgeden shyǵyndaýǵa jol beredi.