Almatyda urlyqpen aınalysqan kúdikti qamaýǵa alyndy.
Birneshe ret sottalǵan azamat Almaty aýmaǵynda kem degende 20 urlyq jasady degen kúdikke ilindi, dep habarlaıdy Almaty-akshamy.kz Polisia.kz-ke silteme jasap.
Almaly aýdanynyń polıseıleri oıyn-saýyq oryndary men ákimshilik ǵımarattarda birqatar urlyq jasady degen kúdikpen Túrkistan oblysynyń 33 jastaǵy turǵynyn ustady. Jas jigit kóbinese ártúrli gadjetter men ámıandardy urlady.
«Jedel ýákilder izdestirý sharalaryn júrgizip, nátıjesinde 20-ǵa jýyq urlyq jasady degen kúdikpen 33 jastaǵy S.esimdi azamatty ustady. Qaskóı kún saıyn derlik túrli múlikti urlady. Onyń birneshe urlyǵy mekemelerde ornatylǵan beınebaqylaý kameralaryna jazylyp qalǵan», – deıdi Almaly aýdandyq polısıa basqarmasynyń bastyǵy Oljas Sháripov.
Qazirgi ýaqytta kúdikti ýaqytsha ustaý ızolátoryna qamaldy. Bótenniń múlkin urlaý derekteri boıynsha QR QK-niń 188-babyna sáıkes qylmystyq is tergelip jatyr. QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.