Baǵa boıynsha tekseris

Qala turǵyndary áleýmettik mańyzy bar ónimderge baǵanyń orynsyz kóterilýine kýá bolsa, qaıda júgine alady?

Almaty qalasy boıynsha Amanat partıasynyń janynan qurylǵan tekseris toby áleýmettik mańyzy bar ónimderdiń baǵasyna monıtorıń júrgizdi.

Almaty qalasy boıynsha Amanat partıa­synyń janynan qurylǵan tekseris toby SMALL sýpermarketter jelisindegi áleý­mettik mańyzy bar ónimderdiń baǵasyna mo­nıtorıng jasady.

«Bizdiń monıtorıń júrgizýdegi maqsaty­myz – qandaı da bir qysym kórsetý emes, kásipkerlerdi barlyq kerek-jaraqpen qamta­masyz etip, olarǵa jaǵdaı jasaý arqyly al­matylyqtardyń qolyna túsetin túpki ónimniń sapaly ári qoljetimdi bolýyna áser etý. Bizdiń buǵan deıingi tekserý jumystary­myz úsh aı buryn bolǵan. Sol ýaqyttan beri áleýmettik mańyzy bar ónimderdiń birshama­synda baǵa ózgermegen. Biraq, ókinishke qaraı, et ónimderiniń baǵasy óskenin baıqadyq. Olar biz usynǵan baǵadan áldeqaıda joǵary. Naq­ty aıtsaq, 800 teńgege qymbattaǵan. Degen­men, taýyq etine, sút ónimderi men jumyrt­qaǵa qoıylǵan baǵada turaqtylyq bar», – dedi Amanat partıasy janyndaǵy Ekonomıka jáne kásipkerlikti damytý komıtetiniń ókili Edýard Katenov.

Sondaı-aq, ol áleýmettik mańyzy bar ónimderdiń baǵasyna oń áser etý úshin kásip­kerlermen jekeleı jumys júrgiziletinin atap ótti.

«Pıaz baǵasy da biz usynatyn baǵadan joǵary. Aıtylǵan másele bizdi alańdatady. Qalamyzǵa pıaz negizinen Almaty oblysy­nan ákelinedi. Jalpy, orta baǵa 80 teńge bolsa, munda 370 teńgeden satylady eken. Bul máseleni sheshý úshin logıstıka turǵysy­nan ne kásipkerlermen tikeleı baılanys or­natý syndy sheshim joldaryn qarastyramyz. Almaty qalasy Kásipkerlik jáne ınvestı­sıalar basqarmasymen jáne Ulttyq Kásip­kerler Palatasynyń ókilderimen kezdesip, máseleniń týyndaý sebebin jáne ony she­shýdiń qandaı joldary bar ekenin talqylaı­myz. Almatylyqtar qoljetimdi baǵada azyq-túlik alý úshin artyq alypsatarlyqty azaıtýǵa tyrysamyz. Jalpy, keshendi jumys júrgiziledi», – dedi ol.

Almaty qalasy Kásipkerlik jáne ınves­tısıalar basqarmasynyń ókili Raqymjan Áripjanov ónim óndirýshilermen memoran­dým jasalǵanyn habarlady.

«Baǵa qoljetimdiligin qamtamasyz etý úshin ónimderdi tikeleı jetkizý boıynsha jumys júrgizilip jatyr. Mysaly, Almaty ákimdiginiń ókilderi Túrkistan oblysyna ar­naıy jumys saparymen baryp, birneshe aýylsharýshalyq mekemelerimen memoran­dýmǵa qol qoıyp keldi. Olar maýsymaralyq kezeńde, ıaǵnı mamyr men maýsym aılarynyń aralyǵynda qalamyzǵa kókónisterdi jetki­zedi. Jalpy, qalada jan-jaqty jumys júrgizilip jatyr. Aıta ketken jón, eger qala turǵyndary áleýmettik mańyzy bar ónimder­ge baǵanyń orynsyz kóterilýine kýá bolsa, Kásipkerlik jáne ınvestısıalar basqarma­syna júgine alady», – dedi Almaty qalasy kásipkerlik jáne ınvestısıalar basqarmasy­nyń ókili R.Áripjanov.