Suranysqa ıe kadrlardyń bolmaýy eńbek naryǵynyń naqty qajettiliginiń sáıkessizdigine alyp keledi.
Memleket basshysynyń zardap shekken bıznesti qalpyna keltirý jáne qalany odan ári damytý týraly tapsyrmalaryn oryndaý boıynsha Almaty ákimi Baqytjan Saǵyntaev qala aktıvinde sóılegen sózinde almatylyqtardyń ál-aýqaty men jumyspen qamtý tıimdiligin arttyrý sharalary týraly aıtyp berdi, dep habarlaıdy Almaty-akshamy.kz
«Biz saýdanyń, onyń ishinde onlaın-satýdyń jańa formattaryn engizý paıdasyna naryqtyq saýdaǵa negizdelgen ekonomıkanyń qalyptasqan formatynan aýytqıtyn bolamyz», - dep atap ótti B.Saǵyntaev.
Ákimdik sıfrlandyrý, kreatıvti ındýstrıa, ónerkásip jáne basqa da joǵary ónimdi salalardy damytý esebinen ekonomıkanyń qurylymdyq reformalaryn júrgizýde.
Almaty ákiminiń aıtýynsha, suranysqa ıe kadrlardyń bolmaýy eńbek naryǵynyń naqty qajettiliginiń sáıkessizdigine alyp keledi.
«Osyǵan baılanysty bilim, qoǵamdyq damý, áleýmettik ál-aýqat basqarmalaryna kadrlardy daıarlaý kezinde kolejderdiń baǵdarlamalaryn qaıta qaraýdy tapsyramyn», - dedi B. Saǵyntaev.
Jumyspen qamtý men ómir súrý sapasyn arttyrýdyń mańyzdy qadamy iskerlik belsendilikti yntalandyrý bolady. Sońǵy eki jylda negizgi kapıtalǵa salynǵan ınvestısıalar 820 mlrd-tan rekordtyq 1 trln 200 mlrd teńgege deıin ósti. Bul rette áleýmettik salaǵa ınvestısıalar 12%-ǵa ósti.
2025 jylǵa deıin iske asyrylatyn 4,5 trln teńgege 396 ınvestısıalyq jobadan pýl quryldy. Ótken jyly 10 myń jumys ornyn qurýmen 83 joba aıaqtaldy. Ótken jyly barlyǵy 55 myńnan astam jańa jumys orny ashyldy. Bıyl taǵy 80 jobany iske asyramyz, onda 11 myńǵa jýyq jańa jumys orny qurylady.
Almatynyń Indýstrıaldy aımaǵynda 2 jyl ishinde 10 jańa kásiporyn paıdalanýǵa berildi.
Sonymen qatar iske asyrylmaıtyn 25 joba alynyp tastaldy jáne 110 ga bosatyldy, bosatylǵan aýmaqtarǵa 37 jańa joba tartyldy, olarda 3615 jańa jumys orny qurylady. Bıyl 15 jobany iske qosý josparlanýda.