Bul týraly Almaty ákimi Baqytjan Saǵyntaev Memleket basshysynyń zardap shekken bıznesti qalpyna keltirý jáne qalany odan ári damytý týraly tapsyrmalaryn oryndaý boıynsha qala aktıvinde sóılegen sózinde habarlady.
B. Saǵyntaevtyń aıtýynsha, ótken jyly Almatydaǵy jumyssyzdyq 5,1%-ǵa deıin tómendegen, dep habarlaıdy Almaty-akshamy.kz
Bul jumys jalǵastyrylatyn bolady.
Bıyl Ulttyq jobalar aıasynda 13,2 myń jumys orny qurylady, bıznesti qoldaýdyń óńirlik sharalary 3,6 myń bıznes qurýǵa múmkindik beredi, 31 myńnan astam oryn qurýdy josparlap otyr.
Qalalyq baǵdarlamalar sheńberinde ÁKK quraldary arqyly 2%-ben jeńildikpen kredıt berý múmkindigimen segizge qosymsha 5 shaǵyn ónerkásiptik park iske qosylady.
«Jastardy kásiptik tehnıkalyq daıarlaýdy jáne jumyssyzdardy qaıta oqytýdy kúsheıtip, keıinnen jumysqa ornalastyramyz. Jeke sektordan júıelik operatorlardy tartý arqyly bilikti jumys oryndary qurylady», - dep atap ótti Almaty ákimi.
2 jyl ishinde «Kásip alańy», «Almaty Bıznes» baǵdarlamalary boıynsha kásipkerlik negizderine oqytý, 200 myńǵa jýyq adamdy qamtıtyn Qolday kásipkerlik ortalyǵynyń kýrstary júrgizildi. Bul jumys istep turǵan SHOB sanynyń 4%-ǵa nemese 2021 jyldyń qorytyndysy boıynsha 7,6 myń birlikke ulǵaıýyna áser etti.
B. Saǵyntaev bolashaqta ekonomıkanyń túrli salalaryndaǵy qajettilikterdi boljaý úshin jańa mamandyqtardyń óńirlik atlasy ázirlenetinin atap ótti.
«Ótken jyldan bastap biz aýdandardyń myqty jaqtaryn baǵdarlaı otyryp, klasterlik tásildi qoldana bastadyq jáne jetekshi ýnıversıtetterdi - Súleıman Demırel ýnıversıtetin, Alma ýnıversıtetin, QBTÝ, HATÝ-dy aýdandardyń strategıalyq damýyna jumyldyrdyq», - dedi Almaty ákimi.
Osynyń barlyǵy ınovasıalyq jobalardy damytý úshin jańa jaǵdaılar jasaýǵa jáne jańa kásibı quzyretter men jańa jumys oryndaryna qajettilikti qalyptastyra otyryp, árbir aýdandy kúsheıtýge múmkindik beredi.
«Memleket basshysynyń tapsyrmasy boıynsha aǵymdaǵy jyldan bastap jastar praktıkasy boıynsha jalaqy 25-ten 30 AEK-ke deıin ulǵaıtyldy. Biz óz tarapymyzdan jergilikti búdjetten qosymsha 10 AEK-ke tólemdi ulǵaıtamyz, osylaısha jalaqy 122,5 myń teńgeni quraıdy», dep atap ótti B. Saǵyntaev.
Jumys isteıtin múgedekter úshin áleýmettik jumys oryndaryn sýbsıdıalaý mólsheri 63 myńnan 92 myń teńgege deıin ulǵaıtylady.
Jalpy, barlyq sharalardyń arqasynda keminde 50 myń jumys orny qurylady.