Memleket basshysy Qasym-Jomart Toqaev «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda jergilikti mańyzdaǵy joldardyń sapasyn kóterýdi tapsyrdy.
«Avtokólik joldarynyń jaı-kúıi – ózekti másele. Men bul týraly osyǵan deıin de aıttym. Bıyl elimizde 12 myń shaqyrymǵa jýyq jol salynyp, jóndelip jatyr. Qazaqstanda mundaı aýqymdy jumys buryn-sońdy bolmaǵan. Astana-Almaty, Aqtóbe-Atyraý-Astrahan, Taldyqorǵan-Óskemen baǵytyndaǵy kúre joldardy qaıta jańǵyrtý jumystary aıaqtalyp qaldy», - dedi Qasym-Jomart Toqaev.
Memleket basshysy jergilikti mańyzdaǵy joldarmen halyqtyń kóp júretinin eske saldy.
«2,5 myń shaqyrymǵa sozylatyn oblysaralyq jáne aýdanaralyq joldardy orta deńgeıde jóndeýge arnalǵan baǵdarlamanyń mán-mańyzy zor. Dál osy joldarmen jurt óte jıi júredi. Sondyqtan baǵdarlamanyń aýqymyn keńeıtip, oǵan keminde 10 myń shaqyrym joldy qamtýdy tapsyramyn. Árıne, munda sannan góri sapa mańyzdyraq. Sol úshin ınovasıalyq zamanaýı ádis-tásilderdi keńinen qoldanǵan abzal. Bul jumysqa qoǵamdyq baqylaýdy kúsheıtý úshin biryńǵaı sıfrlyq platformany iske qosqan jón. Onda barlyq joldy, sonyń ishinde, qala aýmaǵyndaǵy joldardy salýǵa jáne jóndeýge qatysty aqparat bolýy kerek», - dedi Prezıdent.