Onyń málimdeýinshe, eń aldymen bul jobalardy damý áleýeti joǵary aýyldarda iske asyrý usynylyp otyr.
«Aýyl – El besigi» jobasy aıasynda 2019 jyldan bastap aýyldardyń ınfraqurylymyn damytýǵa 701 mlrd tenge qarjy bólindi. Oǵan 2,2 myń aýylda 6,6 myńǵa jýyq joba iske asyryldy. Nátıjesinde 5,3 myń shaqyrym kóleminde ınjenerlik jeliler, sondaı-aq 7,9 myń shaqyrym aýylishilik joldar jańǵyrtyldy, sonymen qatar birqatar áleýmettik nysan jańadan salyndy jáne qaıta jańǵyrtyldy. Bıyl 500-ge jýyq aýyldyq aýmaqta 900-den astam jobany iske asyrýǵa 176,4 mlrd teńge búdjetten bólinip otyr», – dedi vıse-mınıstr.
«Aýyl amanaty» jobasy da mańyzdy bastama bolyp tabylady. Onyń aıasynda obektilerde ınjenerlik ınfraqurylymdy júrgizý, kásipkerlerdi oqytý, saqtaý, óńdeý jáne ótkizý boıynsha memlekettik qoldaýdyń jańa quraldary engizilip jatyr. Sondaı-aq aldaǵy ýaqytta shaǵyn ındýstrıaldy aımaqtar qurý máselesi pysyqtalyp jatyr.
Aýyldarda kadr tapshylyǵyn sheshý úshin «Dıplommen aýylǵa» jobasy iske asyrylýda. Bolashaqta eldi mekenderge qajetti mamandyqtar tizimin keńeıtý kózdelgen. Jobalardy sınhrondy iske asyrýdy tıimdi qamtamasyz etý jáne mamandandyrýdy aıqyndaý
maqsatynda skrınıng jasaldy. Skrınıng derekteri negizinde «Aýyl amanaty» jobasyn júzege asyrý úshin basym baǵyttar men ınfraqurylymdyq qajettilik aıqyndaldy.
Ákimdikterdiń búdjettik ótinimderin qaraý kezinde barlyq faktor eskeriledi. Kooperatıv qurýǵa, qaıta óńdeý, aýyl sharýashylyǵyna jatpaıtyn qyzmet túrlerin, ónim óndirýdiń búkil sıklin kózdeıtin jobalarǵa basymdyq beriledi. Qatysýshylardyń ótinish bergen sátinen bastap mıkrokredıtti alǵanǵa deıingi prosesterdi súıemeldeý maqsatynda avtomattandyrý júıesi jetildirilip jatyr.