Almatyda úzdik aýla, úzdik shaǵyn baq baıqaýynyń jeńimpazdary jobasy týraly aıtyp berdi
«Úzdik aýla» nomınasıasynyń jeńimpazy atanǵan Almaly aýdanynda turatyn Natalá Lazareva aýlany kórkeıtý ıdeıasyn kórshilerimen birge 2020 jyly oılaǵanyn aıtady. Turǵyndar kógal egip, mıksborderge jıektastar qoıdy. Keıinirek aýlada sarqyramasy bar alpilik tóbeshik paıda boldy.
«Halyq qatysatyn búdjet» baǵdarlamasy týraly bildik. Jospar qurdym, bizde sarqyramasy bar alpilik tóbeshik bolǵanyn qaladym. Aýlanyń eskızin jasadym. Bıyl «Úzdik aýla, úzdik shaǵyn baq, komýnaldyq qyzmettiń úzdik qyzmetkeri» baıqaýyna qatystyq, óıtkeni bizdiń aýla úzdik dep oıladyq. Bul meniń hobbıim. Shabyttandym dep aıta almaımyn, tek óz aýlamyzǵa ne jetispeıtinin bildim», - dep Natalá Lazareva «Halyq qatysatyn búdjet» baǵdarlamasynyń arqasynda baıqaýda qalaı jeńiske jetkeni týraly aıtyp berdi.
500 myń teńge utyp alǵan sertıfıkatqa qala turǵyndary aýlany kútip-baptaýǵa arnalǵan kógal shabatyn mashına, butaq keskish, búrikkish, shlang, shelek syndy qural-jabdyq satyp aldy.
Qalanyń taǵy bir turǵyny Valentına Sýgatova bastapqyda balkonǵa ósirilgen gúlderdi otyrǵyzý kerek ekenin oılap, munyń bári kezdeısoq tolyqqandy shaǵyn baqqa aınalǵanyn aıtady.
«Qarap tursam, bári tastandy jáne kireberistiń janyna gúl otyrǵyzýǵa bola ma dep oıladym. Otyrǵyzdym, kelesi jyly odan kóbirek ektim, eshkim qarsy bolmady. Kóbine men jaqsy pikirlerdi estidim. Bul kúndelikti eńbektiń nátıjesi», - deıdi zeınetker.
Onyń kúsh-jigeri bekerge ketken joq, bıyl onyń shaǵyn baǵy óziniń aýdanyndaǵy úzdik dep tanyldy.
Esterińizge sala keteıik, «Almaty – bizdiń ortaq úıimiz» aksıasy aıasynda megapolıstiń barlyq aýdanynda «Úzdik aýla, úzdik shaǵyn baq, komýnaldyq qyzmettiń úzdik qyzmetkeri» baıqaýynyń jeńimpazdary anyqtaldy.
Demeýshilik kómek esebinen baıqaýdyń barlyq júldegeri baǵaly syılyqtar nemese aqshalaı sertıfıkattar aldy.